Rostros do país: Xoán Carlos Bascuas

Xoan Carlos Bascuas é un dos protagonistas da convulsa historia recente do nacionalismo galego. Desde o seu posto de profesor de Traballo Social da Universidade de Santiago de Compostela, observa o devir da política galega desde a experiencia e a distancia de quen xa non participa activamente no seu día a día. Afiliado ao Bloque Nacionalista Galego, durante o Goberno de coalición na Xunta entre socialistas e nacionalistas, ocupa o cargo de Delegado da Consellería de Vivenda na Provincia da Coruña. Após a crise que sacude o BNG en 2012 decide abandonar esta organización e impulsa a creación de Compromiso por Galicia, forza política da que foi o seu primeiro Secretario Xeral. O equipo de Nós Televisión reúnse con el na Faculdade de Ciencias Políticas de Santiago para falar dos retos que, na súa opinión, debería afrontar Galicia nos vindeiros anos.