Rostros do país: Isaac Alonso Estraviz

Nacido en Vila Seca en 1935, o profesor Isaac Alonso Estaviz é o lexicógrafo máis importante que ten a lingua galega. Detrás do seu sorriso e dunha nada finxida modestia, atopamos o autor do máis importante dicionario galego en liña. Elaborado á marxe das institucións e da Academia, a súa obra recibe milleiros de consultas diarias e é unha referencia fundamental para todos os países de fala galega e portuguesa. A equipa de Nós Televisión conversa con Isaac Alonso Estraviz en Allariz, na Casa da Fundación Vicente Risco.